Croeso
i'r Antur

Ydych chi’n barod i gychwyn ar daith gyffrous yn crwydro dyfroedd godidog Ynys Môn a Gogledd Orllewin Cymru? Mae eich antur yn dechrau gyda Chlwb Canŵio Eryri.

Yn fwy na chlwb, rydym yn gymuned fywiog o badlwyr sy'n cael eu gyrru gan angerdd a chyfeillgarwch.

Mae ein cenhadaeth yn syml: croesawu a chefnogi pawb sy'n rhannu ein cariad at badlo.

Sgroliwch drwy'r dudalen, neu defnyddiwch y ddewislen uchaf i weld mwy.

Pan fyddwch chi'n barod i ymuno â ni, cliciwch ar y botwm i gychwyn eich taith!

Dechreuwch eich Taith

Ar gip

Ein Cenhadaeth: Croesawu a chefnogi pawb sy'n rhannu ein cariad at badlo.

Wedi’i leoli yng Ngogledd Orllewin Cymru, sefydlwyd Clwb Canŵio Eryri ym 1979 gan grŵp bach o bobl leol sy’n frwd dros gaiacio.

Credwn fod caiacio yn ffordd wych o gadw'n heini, cysylltu â natur, a gwneud ffrindiau newydd. Mae ein clwb yn cael ei redeg gan ac ar gyfer ei aelodau; ar hyn o bryd mae gennym tua 120, ac mae gennym bob amser le i fwy.

P'run a'i eich bod yn newydd i badlo, neu'n gaiaciwr profiadol sy'n ysu am heriau, mae gennym ni rywbeth i chi.

Mae ein padlau noswaith wythnosol hirsefydlog a'n gwibdeithiau bythgofiadwy diwedd mis dan arweiniad gwirfoddolwyr cymwys yn rhan o wead cymdeithasol ein clwb.

Mae croeso mawr i chi ymuno â ni i ddysgu beth sydd ei angen i badlo’n ddiogel mewn cwmni da. Ac os oes gennych yr uchelgais i ddatblygu eich sgiliau, gallwn eich helpu gyda hynny hefyd. Mae ein gwirfoddolwyr yn cynnal rhaglenni mentora am ddim ar bob lefel, o ddechreuwyr pur yn y pwll neu ar lyn, i badlo uwch mewn dŵr garw.

Os hoffech gael cydnabyddiaeth ffurfiol o'ch cynnydd am resymau personol neu broffesiynol, gallwn hyd yn oed eich helpu i lywio'ch ffordd drwy'r gwahanol ddyfarniadau a chymwysterau Paddle UK. O lynnoedd tawel i rasys llanw llawn adrenalin, mae ein padlau clwb a chyfoedion yn cynnig rhywbeth ar gyfer pob lefel sgil.

Dysgu mwy